Idara ya Ardhi na Maliasili ni miongoni mwa Idara kubwa zilizopo katika Halmashauri ya Tarime. Idara hii imegawanyika katika vitengo vikubwa viwili (2) ambavyo ni Kitengo cha Ardhi na Kitengo cha Maliasili.
KITENGO CHA ARDHI:
Kitengo hiki kinahusika hasa na masuala yote yahusuyo ardhi kwa ujumla ikiwa ni pamoja na Usimamizi wa ardhi, Umilikishaji na udhibiti wa matumizi ya ardhi, Upangaji wa Miji na Vijiji, Upimaji wa ardhi na uthamini. Ni sehemu inayolinda haki, wajibu na maslahi katika ardhi kwa kusimamia sheria, sera na kanuni zinazolinda maslahi katika ardhi. Kitengo hiki pia kinaundwa na vitengo vidogo vinne (4) ambavyo ni Kitengo kidogo cha Mipango Miji, Usimamizi wa Ardhi, Uthamini pamoja na Upimaji na Ramani.
KITENGO CHA MALIASILI
Kitengo hiki kimegawanyika katika vitengo vidogo viwili (2) ambavyo ni Kitengo kidogo cha Misitu na Wanyamapori ambazo zinahusika na usimamizi na utunzaji wa maliasili zilizopo katika halmashauri ya Wilaya ya Tarime. Ni kitengo kinachowajibika katika usimamizi wa rasilimali za misitu na Wanyamapori katika halmashauri yetu yenye changamoto nyingi za uvamizi wa tembo na ujangili hasa katika vijiji vinavyopakana na hifadhi ya Taifa ya Serengeti. Kupitia kada ya Wanyamapori idara ina jukumu pia la kufanya doria na kudhibiti nyara za serikali, kusimamia na kutekeleza sheria Na. 5 ya Wanyama pori ya Mwaka 2009 pamoja na kusimamia shughuli za utalii.
HALI YA WATUMISHI
Idara ina jumla ya watumishi ishirini na tatu (23) ambao wamegawanyika katika makundi mawili kulingana na kada zao za kazi na pia vituo vyao vya kazi. Watumishi kumi na sita(16) wapo makao makuu ya wilaya na wengine saba (7) wapo nje ya makao makuu ya wilaya.
Jedwali hapo chini linaonyesha idadi ya watumishi kwa kila kada.
Na
KADA ZA IDARA YA ARDHI NA MALIASILI
IDADI YA WATUMISHI
1
UTHAMINI
3
2
USIMAMIZI WA ARDHI
3
3
UPIMAJI NA RAMANI
5
4
MIPANGO MIJI
2
5
MISITU
3
6
WANYAMAPORI
7
JUMLA
23
SHUGHULI MBALIMBALI ZINAZOTEKELEZWA NA IDARA YA ARDHI NA MALIASILI.
KITENGO KIDOGO CHA MIPANGO MIJI.
Majukumu ya kazi za kila siku za kitengo kidogo cha mipango miji:-
Kuandaa michoro ya mipango miji ya matumizi bora ya ardhi katika miji midogo na vituo vya kibiashara.
Kuratibu uandaaji wa mipango ya matumizi bora ya ardhi katika vijiji.
Kudhibiti ujenzi holela katika miji na vijiji kwa mujibu wa sheria ya mipango miji ya mwaka 2007.
Kushughulikia mabadiliko ya matumizi ya ardhi ya viwanja na mashamba.
Kuandaa orodha ya maeneo yanayotakiwa kupandishwa hadhi ya kuwa miji midogo.
Kushughulikia migogoro mbalimbali ya ardhi.
Kuwasilisha michoro ya mipango miji na ramani za matumizi bora ya ardhi ya vijiji Wizara ya Ardhi kwa uidhinisho.
Kuishauri kamati ya mipango katika masuala ya kitaalam ya mipango miji.
KITENGO KIDOGO CHA UTHAMINI.
Majukumu ya kazi za kila siku za Kitengo kidogo cha Uthamini:-
Kutoa elimu na ushauri wa kitaalam kwa wananchi/Taasisi mbalimbali juu ya masuala ya uthamini wa aina mbalimbali kadiri wanavyohitaji.
Kufanya uthamini kwa wananchi/Taasisi mbalimbali kulingana na maombi yanayotufikia.
Na mengineyo yanayopangwa na mkuu wa idara/Mkurugenzi Mtendaji.
KITENGO KIDOGO CHA USIMAMIZI WA ARDHI.
Majukumu ya kazi za kila siku za kitengo kidogo cha Usimamizi wa ardhi:-
Ukusanyaji wa kodi ya pango la ardhi.
Uhamasishaji na umilikishwaji wa viwanja na mashamba.
Utatuzi wa migogoro ya ardhi.
Uelimishaji wa jamii katika masuala mbalimbali yahusuyo usimamizi wa ardhi na umiliki wake.
Ukaguzi wa viwanja na mashamba yaliyopimwa na kumilikiwa kwa mujibu wa sheria.
Uandaaji wa vyeti vya ardhi ya vijiji.
Uangizwaji na uboreshaji wa takwimu ya ardhi katika mfumo wa kompyuta (integrated Land rent management system).
Na mengineyo yanayopangwa na mkuu wa idara/Mkurugenzi Mtendaji.
KITENGO KIDOGO CHA UPIMAJI NA RAMANI.
Majukumu ya kazi za kila siku za kitengo kidogo cha Upimaji na ramani:-
Kupima viwanja na mashamba.
Kuchora ramani za viwanja na mashamba.
Kuchora ramani za hati (DEED PLAN).
Kuonyesha mipaka ya vijiji na viwanja.
Kupeleka ramani za upimaji kuidhinishwa na Mkurugenzi wa upimaji na ramani.
Kutatua migogoro ya ardhi inayohusiana na masuala ya upimaji na ramani.
Kuandaa gharama zote zinazohusiana na miradi ya upimaji wa maeneo ya uuma pamoja na watu binafsi.
Kupokea maombi ya upimaji wa mashamba na viwanja.
Kuchora ramani za vijiji na maeneo ya utawala katika Wilaya.
Kutoa ushauri kwa masuala yanayohusu upimaji na ramani.
Kufanya kazi za nje ya ofisi (Field survey operation) chini ya usimamizi wa mpima aliyesajiliwa.
KITENGO KIDOGO CHA MISITU.
Majukumu ya kazi za kila siku za kitengo kidogo cha Misitu:-
Kushughulikia shughuli zote za kitalu na kusimamia wahudumu wa kitalu ikiwemo kufanya usafi, kujaza viriba na umwagiliaji.
Kutembelea Wadau wa misitu kutoa Elimu ya Utunzaji wa Misitu, Uvunaji na Usafirishaji wa mazao ya Misitu.
Kushughulikia shughuli zote za kitalu na kusimamia wahudumu wa kitalu ikiwemo kufanya usafi, kujaza viriba na umwagiliaji.
Kutembelea Mashule ambayo tumeanzisha vitalu vya miche ya miti jumla ya shule nane .
Kufanya Doria kwenye Misitu ya Hifadhi inayomilikiwa na Halmashauri ya Wilaya ya Tarime, misitu hiyo ni Nyabasi n Bwiregi.
Kutembelea wafanyabiashara wa Mazao ya Misitu kwa ajili ya kukagua vibali vya biashara ya mazao ya misitu.
KITENGO KIDOGO CHA WANYAMAPORI.
Majukumu ya kazi za kila siku za kitengo kidogo cha Wanyamapori:-
Kushughulikia shughuli zote zinazo husiana na wanyama pori
Kutembelea vijiji vyote vinavyo zunguka na hifadhi na kutoa elimu jinsi ya kupambana na wanyama waharibifu
Kutembelea Mashule vijiji na kufanya tadhimini ya mashamba yaliyo haribiwa na tembo, nyati etc.
Kufanya Doria kwenye maeneo yote yaliyopo pembezoni mwa hifadhi kwa lengo la kupunguza vitendo vya ujangili.
Kufanya Doria kwenye maeneo yote yaliyopo pembezoni mwa hifadhi na yaliyopo chini ya halmashauri kwa lengo la kupunguza vitendo vya ujangili.
