Elimu ya Sekondari

IDARA YA ELIMU SEKONDARI

Idara ya Elimu ya Sekondari ni idara mpya katika Mamlaka za Serikali za Mitaa iliyoanzishwa rasmi Julai 2009, baada ya agizo la Mhe. Rais la mwaka 2008 alipokuwa anatangaza Baraza la Mawaziri. Kabla ya hapo Idara hii ilikuwa chini ya Wizara ya Elimu na Mafunzo ya Ufundi.

MAJUKUMU YA IDARA YA ELIMU SEKONDARI

 Idara hii ina majukumu mbalimbali, baadhi ya majukumu hayo ni:-

• Kusimamia utoaji wa taaluma na michezo katika shule za sekondari katika Halmashauri.
• Kusimamia utekelezaji wa miongozo mbalimbali inayotolewa na Serikali kupitia kamishina wa elimu.
• Kuratibu na kuendesha mitihani ya ndani na ya kitaifa kwa shule za sekondari kuanzia kidato cha kwanza hadi cha sita.
• Kusimamia utendaji kazi wa watumishi waliopo katika Idara na stahili zao
• Kusimamia ukarabati, upanuzi wa miundombinu na utekelezaji wa miradi inayotekelezwa katika shule za sekondari kwa kushirikiana na idara zingine.
• Kufanya makisio ya mahitaji ya walimu kimadaraja na kimasomo
• Kuiwakilisha Wizara ya Elimu Sayansi na Teknolojia katika Halmashauri kuhusu maswala ya Elimu ya Sekondari.
• Kusimamia utekelezaji wa Sera ya Elimu ya Sayansi na Teknolojia.
• Kusimamia upanuzi wa Elimu ya Sekondari katika Halmashauri.
• Kusimamia matumizi ya fedha za Elimu ya Sekondari na kuhakikisha zinatumika kama ilivyokusudiwa.
• Kufutilia na kutathimini maendeleo ya Elimu ya Sekondari katika Halmashauri.
• Kumshauri Mkurugenzi wa Halmashauri kuhusu maswala yote ya Elimu ya Sekondari.
• Kusimamia haki na maslahi ya Walimu na Watumishi wengine walio chini ya Idara ya Elimu ya Sekondari.
• Kuhimiza udhibiti wa nidhamu ya Walimu , Watumishi wasio Walimu na Wanafunzi wa shule zote za Sekondari katika Halmshauri.
• Kuhakikisha kuwa shule zote za Sekondari katika Halmashauri zinainua ubora wa mazingira ya kujifunzia na kufundishia.
• Kusimamia utekelezaji wa Mipango ya Maendeleo ya Elimu ya Sekondari.

Katika Halmashauri ya Wilaya ya Tarime kuma jumla shule za sekondari 31 kati ya hizi, 29 ni za Serikali, 02 zinamilikiwa na taasisi za kidini. Aidha, kati ya shule 31 zilizopo katika Wilaya ya Tarime shule 03 zina kidato cha tano na sita ikiwa zote ni za Serikali.

Idara ya Elimu Sekondari inaundwa na vitengo viwili katika kutekeleza majukumu yake. Vitengo hivi ni kama ifuatavyo:-

• Taaluma
• Takwimu

IDADI YA WALIMU

Idara ya Elimu Sekondari ina jumla ya walimu 433 ikiwa walimu 338 ni wa Kiume na 95 wakiwa wa kike. Hata hivyo kati ya walimu hao 433, walimu 99 tu ndio wanaofundisha masomo ya Sayansi.

IDADI YA WANAFUNZI

Idara ya Elimu Sekondari inawanafunzi wapatao 10,259 ikiwa wavulana 6,171 na wasichana 4,088.