Huduma za Afya, Ustawi wa Jamii na Lishe

UTANGULIZI

Halmashauri ya Wilaya ya Tarime  ina jumla ya vituo vya kutolea huduma za afya vipatavyo 48, kati ya vituo hivyo hospitali ni 1, vituo vya afya 11 (Serikali 8 na binafsi 3) Zahanati 36 kati ya hizo 25 ni za serikali na za binafsi 11.

Jedwali kuonyesha vituo vya utoaji huduma za afya katika kipindi cha miaka 5 hadi hadi kufikia   June   2021;

Hospitali ya Wilaya ya Tarime ina vitengo 10 navyo ni wagonjwa wa nje, wagonjwa wa ndani, idara ya uchunguzi(x-ray) na maabara, idara ya macho,idara ya uhasibu,idara ya dawa,idara ya utawala na idara ya Afya Ya uzazi na mtoto. kila kitengo kinakiongozi wake ambaye ni mjumbe kwenye timu ya uendeshaji ya hospitali.(HMT)

Hospitali ya Wilaya ya Tarime inatoa huduma katika Wilaya ya Tarime na maeneo jirani.

Huduma zinazotolewa na hospitali ya wilaya zimegawanyika katika makundi makuu mawili nayo ni :

• Huduma ya wagonjwa wa nje .
• Huduma ya wagonjwa wa ndani.

HUDUMA ZINAZOTOLEWA NA HOSPITALI YA WILAYA

Huduma zinazotolewa na hospitali ya wilaya ni

• Huduma ya Afya ya uzazi mama na mtoto.
• Huduma ya magonjwa ya kuambukizwa.
• Huduma ya magonjwa yasiyoambukizwa.
• Huduma ya magonjwa ya macho.
• Huduma ya magonjwa ya Akili.
• Huduma ya upasuaji mkubwa na mdogo.
• Huduma ya upimaji wa VVU na utoaji wa ushauri nasaha
• Huduma za bima ya Afya (NHIF,CHF,NSSF)
• Huduma ya uchunguzi wa kansa ya shingo ya kizazi, matiti na tezi dume.
• Hospitali ina uwezo wa kuhudumia wagonjwa 150, kwa sasa hospitali ina vitanda 108.

Lengo

Kutoa huduma bora za afya, ustawi wa jamii na lishe kwa ustawi wa jamii. Idara inafanya kazi zifuatazo:-

• Kusimamia utekelezaji wa sera, sheria na taratibu za utoaji wa huduma za afya, ustawi wa jamii na lishe;
• Kuandaa mipango na programu za muda mfupi na mrefu za sekta ya afya katika Halmashauri;
• Kukuza ushiriki wa wadau mbalimbali katika shughuli za afya, ustawi wa jamii na lishe;
• Kutayarisha na kuwasilisha taarifa za huduma za afya, ustawi wa jamii na lishe kwa mamlaka husika;
• Kuandaa mikakati ya udhibiti wa magonjwa ya kuambukiza na yasiyoambukiza;
• Kusimamia miradi ya afya, ustawi wa jamii na lishe; na
• Kusimamia kanzidata ya masuala ya afya, ustawi wa jamii na huduma za lishe.

Idara hii inaongozwa na Mkuu ambaye pia ni Mganga Mfawidhi wa Halmashauri (CMoH). Idara ina Sehemu tatu (3) kama ifuatavyo:-

• Sehemu ya Huduma za Afya;
• Sehemu ya Ustawi wa Jamii; na
• Sehemu ya Huduma za Lishe.

Sehemu ya Huduma za Afya

Sehemu hii inafanya shughuli zifuatazo:-

• Kuchambua, kutafsiri na kusimamia utekelezaji wa Sera, Sheria, na Taratibu za huduma za afya;
• Kushauri kuhusu uratibu na kujenga uwezo wa huduma za afya;
• Kuandaa mipango na programu za muda mfupi na mrefu za huduma za afya;
• Kutoa ushauri wa kitaalamu kwa wadau kuhusu masuala ya huduma za afya; na
• Kufanya ufuatiliaji na tathmini ya magonjwa ya mlipuko, kuzuia magonjwa yasiyoambukiza, ya kuambukiza na ibuka katika vituo vyote, jamii na sehemu za kuingilia.

Sehemu ya Ustawi wa Jamii

Sehemu hii inafanya shughuli zifuatazo:-

• Kuchambua, kutafsiri na kusimamia utekelezaji wa sera, sheria na taratibu za uboreshaji wa ustawi wa jamii;
• Kuandaa mipango na miradi ya muda mfupi na mrefu ya Ustawi wa Jamii;
• Kusimamia utekelezaji wa mipango na miradi ya ustawi wa jamii;
• Kuratibu na kusimamia miradi yote inayohusu Ustawi wa Jamii; na
• Kutayarisha taarifa zinazohusiana na ustawi wa jamii.

Sehemu ya Huduma za Lishe

Sehemu inafanya shughuli zifuatazo:-

• Kuchambua, kutafsiri na kusimamia utekelezaji wa sera, sheria na taratibu za uboreshaji lishe;
• Kuandaa mipango na miradi ya muda mfupi na mrefu ya lishe;
• Kusimamia utekelezaji wa mipango na miradi ya lishe;
• Kuratibu na kusimamia miradi yote inayohusu lishe;
• Kutayarisha taarifa zinazohusiana na lishe ya jamii;
• Kuhamasisha jamii kuhusu masuala ya lishe;
• Kufuatilia na kutathmini utoaji wa huduma za lishe katika Halmashauri;
• Kukusanya na kuchambua taarifa za huduma za lishe; na
• Kutoa huduma za lishe kwa watoto, watu wazima na watu wenye mahitaji maalum.

MIRADI YA AFYA  ILIYOPANGWA KUTEKELEZWA:

ORODHA YA MIRADI YA MAENDELEO KWA MWAKA WA FEDHA 2021/2022