KAMATI YA FEDHA, UONGOZI NA MIPANGO YATEMBELEA ENEO LA KUJENGA OFISI ZA MAKAO MAKUU YA HALMASHAURI YA WILAYA YA TARIME KIJIJI CHA NYAMWAGA.

Tuma: February 17th, 2021

Mwenyekiti  wa halmashauri Mhe. Simion K. Samwel akiongoza Kamati ya fedha, uongozi na mipango wakiwa na wajumbe wengine kutoka  uongozi wa kijiji cha Nyamwaga, uongozi wa Wazee wa kimila na mwenyekiti wa kamati iliyoshiriki kutenga eneo la kujenga makao makuu ya halmashauri katika kata ya Nyamwaga Bw John Gimunta, kutembelea na kubainisha mipaka ya eneo hilo.

Mwenyekiti wa kijiji cha Nyamwaga  Bw. Chacha Mikael aliongoza wajumbe kwenye safari ya kuonesha eneo.Safari  ilianzia eneo la magharibi kwenye mpaka wa kata ya Nyamwaga na Nyarero (Kitongoji cha Motambe), wajumbe walionyeshwa alama za utambuzi zilizowekwa na Idara ya Ardhi na Maliasili.

Mkurugenzi mtendaji wa halmashauri ya wilaya ya Tarime Bw Apoo Castro Tindwa apongezwa na wazee wa mila kwa ushirikiano wake aliotoa wakati wa zoezi la kutafuta eneo la kujenga makao makuu ya halmashauri ya wilaya ya Tarime. Hivyo alisaidia kupatikana kwa maeneo yenye ukubwa wa ekari128(maeneo tofauti). Ambapo uongozi wa kijiji na Mkutano wa Mkuu wa kijiji uliridhia.