KAMATI YA FEDHA, UONGOZI NA MIPANGO YATEMBELEA MIRADI NANE YENYE THAMANI YA SHILINGI BILIONI NNE ZAIDI NA KUTOA MAELEKEZO.

Tuma: October 26th, 2022

Kamati ya fedha, uongozi na mipango robo ya kwanza 2022/2023 yatembelea miradi 8 inayotekelezwa ndani ya halmashauri ya wilaya ya Tarime kuanzia tarehe 24/10/2022 hadi tarehe 25/10/2022.

Ikiongozwa na Mwenyekiti wa Halmashauri ya Wilaya ya Tarime Mheshimiwa SIMION KILES SAMWEL, Kamati imetembelea jumla ya miradi 8, ambapo miradi 3 inaendelea na ujenzi na miradi 5 ipo katika hatua ya ukamilishaji, hadi kukamilika kwa miradi yote nane itagharimu jumla ya shilingi  4,381,000,000.00.

Miradi iliyotembelewa ni:

1. Ujenzi wa Jengo la Utawala Nyamwaga
2. Ujenzi wa Nyumba ya kuishi Mkurugenzi Mtendaji ipo Nyamwaga
3. Ujenzi wa jengo la wagonjwa mahututi (ICU) na ujenzi wa jengo moja lenye nyumba tatu za kuishi watumishi wa Afya Hospitali ya Nyamwaga.
4. Ujenzi wa jengo la nyumba mbili za kuishi watumishi katika shule ya sekondari Matongo.
5. Ukamilishaji wa zahanati katika kijiji cha Kangaliani.
6. Ujenzi wa shule ya Sekondari mpya Kata ya Sirari.
7. Ukamilishaji wa zahanati katika kijiji cha Turugeti.
8. Ujenzi wa Kituo cha Afya Mtana     

Kwa kila mradi Kamati ilifika kwenye eneo la mradi na kujionea uhalisia na kutoa mapendekezo, ushauri na maoni ya kamati kwa lengo la kuhimiza wajenzi na wasimamizi  kutekeleza mradi kwa muda uliopangwa.