KIKAO CHA LISHE CHA ROBO YA TATU 2023/2024 WILAYA YA TARIME

Tuma: May 7th, 2024

Tarehe 07/05/2024, Kikao cha Robo ya Tatu cha Tathmini ya Lishe ngazi ya Wilaya imefanyika katika ukumbi wa Hospitali ya Nyamwaga. Kikao hicho kiliongozwa na Mkuu wa Wilaya ya Tarime Mhe. Col. Maulid Surumbu akiwa pamoja na Kaimu Mkurugenzi Bi. Peragia Barozi na Mkuu wa Idara ya Afya (DMO) Dkt. Joseph Mziba. Kikao kilihudhuriwa na wajumbe mbalimbali wakiwemo wakuu wa idara, Watendaji wa Kata na Maafisa wengine wa Halmashauri ya Wilaya ya Tarime. 

Kikao cha Tathmini ya Lishe Ngazi ya Wilaya kina lengo la kupitia hali ya utekelezaji wa afua za lishe kwa kipindi cha robo ya pili 2023/2024 ambapo kwa kipindi hicho, Halmashauri ya Wilaya ya Tarime kupitia Hospitali ya wilaya imefanikiwa kuhakikisha uwepo wa chakula dawa muda wote, kutoa elimu na ushauri wa lishe kwa mama/walezi wa watoto chini ya miaka mitano kwa ngazi ya vituo na jamii pamoja na kuongeza vituo vinavyotoa matibabu ya utapiamlo mkali (Sirari, Masanga na Nyangoto)

Mkuu wa Wilaya ya Tarime ametoa pongezi kwa Mkurugenzi Mtendaji wa Halmashauri ya Wilaya ya Tarime pamoja na Maafisa wote waliochangia kwa mafanikio hayo makubwa ya Lishe hasa katika kuhakikisha shule zote zinatoa chakula kwa wanafunzi na amesihi watumishi wazidi kusimamia Lishe Bora ndani ya Wilaya kama alivyoagiza Raisi wa Jamhuri ya Muungano wa Tanzania Mhe. Dkt. Samia Suluhu Hassan