KIKAO CHA PAMOJA TUWALISHE KUFANYIKA OFISI YA MKUU WA WILAYA, TARIME

Tuma: June 26th, 2024

Mkuu wa Wilaya ya Tarime akiwa na Katibu Tawala, Mkurugenzi Mtendaji wa Halmashauri ya Wilaya ya Tarime pamoja na Mkuu wa Idara ya Elimu Msingi, Mratibu wa Lishe mashuleni, Afisa Maendeleo ya Jamii, Maafisa Ustawi wa Jamii, Afisa Kilimo, Afisa Tehama wa Halmashauri na Maafisa Tarafa wa Halmashauri ya Wilaya ya Tarime wafanya Kikao cha PAMOJA TUWALISHE katika ofisi ya Mkuu wa Wilaya asubuhi ya tarehe 26/06/2024. Lengo kuu ni kujadili mradi wa PAMOJA TUWALISHE lililoanzishwa kwa lengo kuu la kuimarisha lishe mashuleni kwa kuzingatia ugawaji wa chakula katika shule za msingi za Halmashauri ya Wilaya ya Tarime.

PAMOJA TUWALISHE ni mpango wa Chakula na Lishe unaoongozwa na wazazi na jamii husika. Tangu kuzinduliwa kwake mwaka 2023, PAMOJA TUWALISHE kwa msaada wa mfumo wao uitwayo DILS, imenufaisha shule 15 kutoka Tarafa 2 na kata 4 ndani ya Halmashauri ya Wilaya ya Tarime. 

Mradi wa PAMOJA TUWALISHE kwa ushirikiano wa Ofisi ya Mkuu wa Wilaya ya Tarime, Mkurugenzi Mtendaji wa Halmashauri ya wilaya ya Tarime na Viongozi wake, imefanikiwa Kuongeza Mahudhurio mashuleni, Kuongeza upatikanaji wa Chakula bora mashuleni na Kushawishi ushiriki wa Jamii katika kufanikisha mradi hasa katika kuchangia tani 9 ya chakula katika shule 15 zinazofaidi huduma ya Mradi huu. 

Mratibu wa Lishe mashuleni ametoa shukrani ya pekee kwa Mkurugenzi Mtendaji wa Halmashauri ya Wilaya ya Tarime kwa ushirikiano wake katika kufanikisha utekelezaji wa mradi huo wa PAMOJA TUWALISHE kwa kutoa Maboma 15 ndani ya Miezi 4. 

Baada ya kikao, Mkuu wa Wilaya ya Tarime ametoa shukrani na pongezi kubwa kwa wote waliochangia katika kufanikisha utekelezaji wa mradi huo wa PAMOJA TUWALISHE na kamuagiza Mkurugenzi Mtendaji wa Halmashauri ya Wilaya ya Tarime na viongozi wake kuiga mfano kutoka kwa mradi huo kwa shule zingine ndani ya Halmashauri zilizokosa nafasi ya kunufaika na mradi huo ili kuboresha Afya ya Wanafunzi mashuleni.