MHE. EVANCE MTAMBI AFANYA MKUTANO NA WANANCHI WA KATA YA MWEMA NA RWGICHERI JUU YA CHANGAMOTO YA ARDHI

Tuma: February 24th, 2025

Leo, tarehe 24/02/2025, Ofisi ya Mkuu wa Mkoa wa Mara, Mhe. Kanali Evance Alfred Mtambi akiambatana na kamati ya Usalama ya Mkoa wa Mara, Mkuu wa Wilaya ya Tarime Mhe. Meja Edward Flowin Gowele na ofisi yake, Waheshimiwa Madiwani, Mkurugenzi Mtendaji wa Halmashauri ya Wilaya ya Tarime ndg. Solomon Shati pamoja na Wataalamu mbalimbali kutoka Halmashauri ya Wilaya ya Tarime, amefanya Mkutano na wananchi wa Kata ya Mwema na Regicheri katika eneo lenye Mgogoro iliyopo Koritambe, Kata ya Mwema

Mhe. Kanali Evance Alfred Mtambi amesema kuwa amesikitishwa na mgogoro huo kwakuwa umesababisha ugomvi mkubwa kati wa wananchi wa kata ya Mwema na Kata ya Regicheri Wilaya ya Tarime kwa muda mrefu sana.

Mkuu wa Wilaya ya Tarime, Mhe. Meja. Edward Flowin Gowele katika mkutano huo amesema kuwa ardhi hiyo imekuwa na migogoro miaka mingi sana na aliagiza wananchi wa Kata ya Mwema na Regicheri kutotumia eneo hilo mpaka watakapopata maelekezo lakini amesikitishwa kuona kuwa baaadhi ya wananchi wamekiuka maagizo hayo, kitu kilichosababisha hali ya mgogoro huo kuwa mbaya zaidi.

Mkuu wa Mkoa wa Mara amesema kuwa Raisi wa Jamhuri ya Muungano wa Tanzania, Mhe. Dkt. Samia Suluhu Hassan, anataka watanzania wote kuwa na "Maisha Bora" na sio "Bora Maisha" hivyo hata wanyang'anya hiyo Ardhi kwa sharti ya kwamba wataitumia kwa Amani, hivyo hatua kali zitachukuliwa juu ya mwananchi yeyote atakayesababisha uvunjifu wa amani hiyo. 

Baada ya majadiliano kati ya Mkuu wa Mkoa wa Mara na Wananchi wa Kata ya Regicheri na Mwema, Mkuu wa Mkoa ameagiza timu ya kamishna ya Ardhi kutambua mipaka ya kiserikali baina ya kata hizo, vilivile ameagiza ofisi ya Mkuu wa Wilaya kubaini mipaka ya Ingram ili kuweza kufanya maamuzi juu ya eneo hilo na wamiliki wa mashamba ndani ya eneo hilo kutambulika pamoja na maeneo yao.

Mkuu wa Mkoa wa Mara amemaliza kwa kusisitiza wananchi kuacha uharibifu wa mazao na mali ili kuhakikisha uwepo wa Amani kati ya wananchi wa kata ya Mwema na kata ya Regicheri