Mhe. Kigwangalla afanya ziara Wilayani Tarime.

Tuma: September 29th, 2017

Naibu Waziri wa Afya, Maendeleo ya Jamii, Jinsia, Wazee na Watoto Mhe. Dkt. Hamis Kigwangalla amefanya ziara ya kikazi Wilayani Tarime. Katika ziara yake ametembelea vituo vya afya vya Nyangoto na Muriba, vilevile Naibu Waziri alitembelea Ujenzi wa kituo cha afya Nyamwaga ambapo ujenzi bado unaendelea.

Katika ziara yake amegundua mapungufu mbalimbali yakiwemo ukosefu wa mifumo ya maji katika vituo vya afya, ukosefu wa vifaa muhimu katika maabara kwa ajili ya uchunguzi wa afya (Full blood picture) pia kutokuwepo kwa mfumo wa ukusanyaji mapato katika vituo vya afya.

Mhe. Kingwangalla amemuagiza Mkurugenzi Mtendaji wa Halmashauri kuhakikisha ndani ya mwezi mmoja awe ameshafunga mfumo wa kielektroniki wa ukusanyaji mapato katika vituo vya afya vyote vilivyopo katika Wilaya yake.  Pia amemuagiza ndani ya siku sitini ahakikishe vifaa tiba muhimu (Haematology na Biochemistry) na mifumo ya maji yanapatikana katika vituo vyote vya afya.