MKAKATI WA KITAIFA WA KUIMARISHA UFUNDISHAJI NA UJIFUNZAJI WAZINDULIWA

Tuma: September 26th, 2022

Mkuu wa Wilaya ya Tarime Mhe Michael Mangwela Mntenjele ameitaka Halmashauri ya Wilaya ya Tarime  kutumia mfumo rasmi wa mkakati wa kitaifa wa kuimarisha ufundishaji na ujifunzaji ngazi ya elimumsingi katika kuinua ubora wa Elimu.

Aliyasema hayo katika kikao cha Maafisa Elimu wa Kata zote na wakuu wa Taasisi za elimu, wakuu wa shule na walimu wakuu kwa ajili ya  kupitia miongozo ya mkakati wa kuboresha Elimu  msingi na Sekondari  uliofanyika katika ukumbi wa shule ya sekondari J.K Nyerere Nyamwaga leo tarehe 26/09/2022

Hata hivyo Mkuu wa Wilaya ya Tarime amewasihi wasimamazi wote wa elimu Pamoja na wadau wote wa elimu kusimamia vyema utekelezaji wa mkakati wa kitaifa wa kuimarisha ufundishaji na ujifunzaji ngazi ya elimumsingi. Na kila mmoja kwa nafasi yake abainishe changamoto zilizopo na kuzitatua.