MKUU WA WILAYA YA TARIME AFANYA KIKAO NA WANANCHI WA KIJIJI CHA KEWANJA

Tuma: November 18th, 2024

Tarehe 17/11/2024, Mkuu wa Wilaya ya Tarime Mhe. Meja. Edward Flowin Gowele afanya kikao na wanakijiji wa kijiji cha Kewanja eneo la Gonsara maarufu kama Murwambe, Halmashauri ya Wilaya ya Tarime akiwa na viongozi wengine akiwemo Afisa Tarafa wa Ingwe kwa niaba ya Katibu Tawala wa Tarime, Afisa Elimu Msingi, Afisa Maendeleo ya Jamii na Mwakilishi wa Afisa Madini wa mkoa wa Mara kwa lengo la kusikiliza changamoto mbalimbali wanazopitia wananchi wa Kijiji hicho ili kudumisha amani na maendeleo katika eneo hilo. 

Wananchi wa Murwambe wametoa changamoto wanazozipata kama kukosekana kwa ajira, ulinzi na usalama ndani ya eneo hilo  pamoja na tatizo la maji na umeme.

Mhe. Gowele amesema kwamba amepokea changamoto zote na kwa kushirikiana na viongozi husika, ameahidi kufanyia kazi changamoto hizo ili kurudisha mahusiano mazuri kati ya wananchi na serikali ya Rais wa Jamhuri ya Muungano wa Tanzania, Mhe. Dkt. Samia Suluhu Hassan.  

Vilevile, Mhe. Gowele amewasisitiza wananchi wote waliojiandikisha katika orodha ya wapiga kura, kwenda kuwapigia kura tarehe 27/11/2024 viongozi watakaosaidia kuleta maendeleo katika kijiji hicho