MWENYEKITI UVCCM AIPONGEZA HALMASHAURI YA WILAYA YA TARIME

Tuma: December 1st, 2021

Leo tarehe 1/12/2021 MWENYEKITI wa Umoja wa Vijana wa Chama Cha Mapinduzi  Wilaya ya Tarime (UVCCM) Mkoa wa Mara, Mhe, Godfrey Francis  akiwa katika siku ya pili ya ziara pamoja na viongozi wengine wa umoja huo, wakitembelea na kukagua miradi ya ujenzi wa madarasa 122 unaoendelea Halmashauri ya Wilaya ya Tarime chini ya Mpango wa Maendeleo ya Ustawi wa Taifa na Mapambano dhidi ya Uviko-19.

Katika ziara hiyo ya siku mbili, Mwenyekiti wa UVCCM Tarime amepongeza hatua nzuri ya ujenzi iliyofikiwa katika Shule za Sekondari Bwiregi, Ingwe,  Nyabichune, Nyamongo, Matongo, Genge, Kibasuka, Regicheri , Itiryo na Kangaliani.

Aidha, ametoa maelekezo ya kuongeza kasi ya ujenzi  katika maeneo yote aliyopitia ili kukamilisha ujenzi huo kwa kuzingatia tarehe iliyowekwa kitaifa.

Mwenyekiti wa UVCCM Tarime,  ametoa rai kwa Wananchi, Madiwani na viongozi wa Serikali katika ngazi ya Vijiji na Mitaa kujitokeza kufuatilia na kusimamia miradi hiyo kwa karibu ili kuhakikisha inakamilika kwa wakati na kwa ubora.

 Kaimu Mkurugenzi  Mtendaji  Halmashauri ya Wilaya ya Tarime, Ndugu FREDELICK  D MALYA   amemtoa hofu Mwenyekiti wa UVCCM Tarime kuwa ujenzi wa madarasa utakamilika kwa wakati kutokana na usimamizi na ufuatiliaji mzuri unaofanywa na viongozi na pia amemuhakikishia Mwenyekiti wa UVCCM Tarime kuwa maelekezo na ushauri uliotolewa utafanyiwa kazi kwa ufuatiliaji zaidi.