NAIBU WAZIRI WA ELIMU, SAYANSI NA TECKNOLOJIA AFANYA ZIARA KATIKA CHUO CHA MAFUNZO YA UFUNDI STADI (VETA), NYAMONGO

Tuma: September 27th, 2024

Tarehe 26/09/2024, Naibu Waziri wa Elimu, Sayansi na Teknolojia Mhe. Omari Kipanga akiwa na Viongozi wengine wa Tarime akiwemo Mkuu wa Wilaya ya Tarime Mhe. Meja Edward Flowin Gowele, Katibu Tawala wa Tarime, Diwani wa Viti Maalumu, Kaimu Mkurugenzi wa Halmashauri ya Wilaya ya Tarime na Kaimu Mwenyekiti wa Halmashauri ya Wilaya ya Tarime, amefanya Ziara katika Chuo cha Mafunzo ya Ufundi Stadi (VETA) iliyopo Nyamongo, Kata ya Matongo, Kijiji cha Nyabichune, Kitongoji cha Komawale. 

Baada ya ukaguzi wa kina, Mhe. Omari Kipanga ametoa pongezi kubwa kwa wote wanaohusika katika ujenzi wa Chuo hicho akisema kwamba mpaka ujenzi ulipofikia umefwata na kuendana na michoro ya Serikali kitu ambacho ametoa pongezi kubwa. Vile vile, ametoa maagizo wa ujenzi kuendelea na hatua zingine. 

Mkuu wa Wilaya ya Tarime Mhe. Meja Edward Flowin Gowele kwa niaba ya Ofisi ya na Viongozi wengine waliokuwepo, ametoa Shukrani kubwa kwa Raisi wa Jamhuri ya Muungano wa Tanzania kwa kuagiza na kuwezesha ujenzi wa Chuo hicho cha Ufundi ndani ya Wilaya ya Tarime. Pia amemshukuru Naibu Waziri wa Elimu kwa Kufika Wilaya ya Tarime na ameahidi kupokea na kuyafanyia kazi maagizo yote aliyotoa ili kukamilisha ujenzi wa Chuo hicho kwa manufaa ya Wakazi wa Tarime na Wananchi wote wa Tanzania kwa ujumla.

Chuo cha Mafunzo ya Ufundi Stadi (VETA) Wilaya ya Tarime ni miongozi mwa vyuo 64 vinavyojengwa kwa kupitia agizo la Raisi wa Jamhuri ya Muungano wa Tanzania Mhe. Dkt. Samia Suluhu Hassan la kuhakikisha kila Wilaya ya Tanzania Bara inajengwa chuo cha ufundi stadi cha Wilaya. Mpaka sasa Serikali imetoa kiasi cha Tsh. 341,482,961/= kwa ajili ya Ujenzi wa Chuo hicho.