Serikali yawataka Wananchi kufyeka Miti isiyo Rafiki

Tuma: February 21st, 2018

Serikali yawataka Wananchi kufyeka Miti isiyo Rafiki

Wananchi wilayani Tarime mkoani Mara wametakiwa kufyeka miti isiyo rafiki ikiwemo Mikaratusi na Seregena kwakuwa inaharibu vyanzo vya maji na hivyo kusababisha kuwepo kwa uhaba wa maji katika Mito,Visima,Marambo na Majosho.

Hayo yalisemwa jana na Mkuu wa wilaya ya Tarime Glorius Luoga wakati wa zoezi la ufekaji miti isiyo rafiki katika kitongoji cha Mesocho kijiji cha Borega “A” Kata ya Ganyange ambayo imeelezwa kuwa imesababisha kukauka maji yanayotumika kwenye Josho lililojengwa kwa ajili ya kuogesha mifugo.

‘’Wananchi wakate miti isiyo rafiki na maji, waliopanda waache kabla Serikali haijachukuwa jukumu la kufyeka na kujimilikisha miti hiyo ili iwe fundisho kwa Wananchi wanaokaidi agizo la Serikali.  Zoezi hili ni endelevu na tutahakikisha tunazunguka Wilaya nzima’’alisema Luoga.

Diwani wa Kata ya Ganyange  Nashon Marwa alisema kuwa Kazi kubwa ni kulinda Sheria kwakile alichoeleza kuwa Josho lilihudumia mifugo vijiji vitatu ambavyo ni Borega A,Nyakalima na Ntagacha lakini halina maji na hiyo mifugo kukosa huduma.

Josho lililokauka baada ya kukosa maji katika Kisima cha asili.

Afisa Mazingira Halmashauri ya wilaya ya Tarime Martha Mahule alisema kuwa kwa siku moja mti mmoja wa mkaratusi unakunywa maji lita 15-40 kutegemea na ukubwa wa mti hivyo watu wapande miti ya Cederela,Ndege chai,Chapa Bunduki,Mikuyu na aina nyingine ya miti ya kienyeji.

Mmoja wa Wananchi Kitongoji cha mesocho Matiko Marwa  alisema kuwa maisha ya Binadamu yanategemea maji hivyo ni vyema watu waiondoe kwani ikiendelea kuwepo itakausha maji na wananchi watapata adha kubwa ya maji kwakuwa wanategemea maji ya visima na mito.

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,Mwisho,,,,,,,,,,,,,,,,,,,,,,,,,,,,,,,,,