BARAZA LA WAFANYAKAZI LAPITISHA BAJETI YA 2018/2019

Tuma: March 12th, 2018

Mkurugenzi wa Halmshauri ya wilaya ya Tarime Bw. Apoo Tindwa amesema kuwa katika maadhimisho ya siku ya Wafanyakazi (Mei mosi) Halmashauri itatoa motisha ya zawadi na Vyeti kwa Wafanyakazi hodari wa ngazi za chini.

Tindwa aliyasema hayo wakati wa kikao cha Baraza la Wafanyakazi wilaya ya Tarime kilichofanyika ukumbi wa Halmashauri hiyo wakati wa kupitisha Bajeti ya Halmashauri kwa mwaka wa fedha 2018/2019 kiasi cha Bilioni 43,270,776,621.25 ikiwa ni ongezeko la silimia 18.8 ikilinganishwa na Bilioni 36,431,083,427 zilizokasimiwa kwa mwaka wa fedha 2017/2018.

Tindwa alisema kuwa kumekuwepo kwa upendeleo katika uteuzi wa wafanyakazi bora ambapo watu wenye sifa uachwa wakiwemo watumishi wa ngazi za chini nakwamba kwa mwaka huu Wakuu wa Idara, Walimu wakuu na walimu wasaidizi hawatapewa kipaumbele katika kupewa zawadi.

“Nalisema hili mapema ili mlifahamu mwaka huu nitakuwa makini kuhakikisha watumishi wa chini ndiyo wanapewa kipaumbele kupata zawadi, ni bora apate zawadi mtu mmoja kuliko kuwapa wengi wasio na sifa” alisema Tindwa.

Mwalimu wa Taaluma shule ya Sekondari Manga ambaye pia ni mjumbe wa Baraza la Wafanyakazi aliomba kwa upande wa walimu Matokeo ya mitihani ndiyo yatumike katika kumpata mwalimu bora kwa kile alichoeleza kuwa njia hiyo itatumika kuepusha manung’uniko lakini pia itaongeza juhudi katika ufundishaji.

“Kuna upendeleo katika kuwapata wafanyakazi bora Mkurugenzi tunaomba matokeo ya mtihani yawe ndiyo dira ya kumpata mfanyakazi bora, wapo walimu wanafanya kazi ukiangalia hata kwenye mitihani wanafunzi wamefanya vizuri Kiwilaya,Mkoa na Kitaifa lakini hawajawahi kupewa zawadi” alisema Surumbu.

Katibu wa Chama cha Walimu mkoa wa Mara Lazaro Saulo alisema kuwa inavunja moyo pale wanapochaguliwa wasiostahili hivyo umakini utumike katika kuwapata wafanyakazi bora kwa kuzingatia mazingira halisi yenye changamoto ya mfanyakazi anakofanyia kazi nakwamba kwa mwaka huu maadhimisho hayo yatafanyika Kimkoa wilayani Tarime.

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,Mwisho,,,,,,,,,,,,,,,,,,,,,,,,,,,,,,,,,,,,,,,