WAKUU WA MIKOA TANZANIA, KENYA WAHAKIKI ALAMA ZINAZOWEKWA ZA KIMATAIFA

Tuma: April 21st, 2018

Imebainika kuwa baadhi ya wananchi wa Tanzania na Kenya wamejenga nyumba pamoja na kufanya shughuli za kilimo katikati ya Mipaka ya Kimataifa inayotenganisha nchi ya Tanzania na Kenya.

Kaimu Mkurugenzi wa Idara ya Upimaji na Ramani kutoka Wizara ya ardhi Nyumba na Maendeleo ya Makazi nchini Dk.James Mtambakaya alisema kuwa Wananchi wanatakiwa kusimamisha ujenzi na kutoendeleza maeneo hayo hadi yatakapotolewa maelekezo na Viongozi wa nchi hizo mbili.

“Tanaendelea na uhakiki uboreshaji wa alama za zamani na kuongeza alama zingine mpya ili mwananchi azione kwa urahisi, tunapopita kwenye maeneo kuna watu wamejenga katikati ya mipaka sasa sijui wanajihesabu wako nchi gani” alisema Mtambakaya.

Mtambakaya alisema kuwa zoezi hilo ni utekelezaji wa agizo la Umoja wa Afrika (AU) iliyozitaka nchi hizo kupitia na kufanya maboresho ili kuepuka migogoro baina ya nchi hizo mbili nakwamba km 754 za nchi kavu zitahakikiwa na km 56 ni katika ziwa victoria ambapo hadi sasa zimehakikiwa km 25 na kwa awamu ya kwanza zitahakikiwa km 238.

Zoezi hilo la uhakiki limeshuhudiwa na Mkuu wa mkoa wa Mara Adam Malima ,Mkuu wa mkoa wa Nyanza Mophat Kangi na Mongo Chimwaga wa Lift Valley (Bonde la Ufa ) nchini Kenya.

Wakuu hao wa Mikoa walitembelea maeneo mbalimbali ya mipaka ya Kimatafa kuangalia alama zilizoboreshwa na alama mpya katika vijiji vya Sirari, Kubiterere, Nyamohonda vilivyopo wilaya ya Tarime na Rorya Vijiji vya Kogaja, Kilongwe.

Nchini Kenya ni vijiji vya Isipania,Kumumwamu,Mti mrabu,Kopanga na Muhuru Kaunti ya Migori ambapo Mkuu wa Mkoa wa Nyanza Mophat Kangi alisema lengo ni kuthibitisha alama hizo nakwamba zoezi hilo ni muhimu kwakuwa wananchi watafahamu mipaka yao na kufanya kazi kwa urahisi.

Mkuu wa Mkoa wa Lift Valley Mongo Chimwaga alisema kuwa baadhi ya wananchi waling’oa alama hizo za zamani zilizowekwa na wakoloni wakijua ndani yake kuna madini na sasa zinaongezwa alama nyingi na kuboreshwa zile za zamani.

“Awali zoezi hili lilifanyika pindi ilipotokea migogoro lakini sasa inafanyika wakati wa amani hatugawi wananchi bali tunataka wajue mipaka ya nchi zao” alisema Chimwaga.

Mkuu wa Mkoa wa Mara Adamu Malima aliwataka wataalamu wa ardhi wa mipaka kufanya kazi hiyo kwa ufanisi na kwa muda uliopangwa kwani isipofanywa vema italeta migogoro huku akihaidi mkoa wa Mara kutoa ushirikiano na timu ya uhakiki lengo kuimarisha mahusano.

Mkaziwa Sab Kaunt ya Kurya West katika Kaunt ya Migori Piter Haiwei alisema kuwa kuwekwa kwa alama hizo itasaidia wananchi kujua mipaka yao ambapo awali waliingiliana katika shuguli za kilimo na ufugaji na kusababisha kutokea kwa migogoro.

Thomas Mwita alisema “Mimi nilinunua ardhi nikapimiwa na watu wa ardhi Migori lakini leo uhakiki mipaka najikuta niko Tanzania nina wake wawili mmoja mji wake umehesabika uko Tanzania na mke wa pili mji wake uko Kenya na mimi ni raia wa Kenya sasa mke wangu nitamweka wapi na sina Ardhi nyingine Kenya”.