ZIARA YA WAZIRI MKUU, MHE.KASSIM MAJALIWA MAJALIWA NDANI YA HALMASHAURI YA WILAYA YA TARIME

Tuma: February 29th, 2024

Tarehe 28/02/2024, Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa, afika Uwanja wa Tarafa iliyopo Sirari Tarime.

Mhe. Kassim Majaliwa amekutana na wakazi wa Sirari na kata zingine za Halmashauri ya Wilaya ya Tarime waliofika katika Mkutano huo wa hadhara kwa lengo la kuskiliza maoni ya wananchi hao na kutoa tamko juu ya maombi yao mbalimbali.

Katika mkutano huo, moja ya hoja zilizotolewa ni kukamilika kwa Soko la Kimataifa ndani ya Halmashauri ya Wilaya ya Tarime iliyoanza kujengwa kata ya Remagwe. Waziri Mkuu wa Jamhuri ya Muungano wa Tanzania amesema kwamba Serikali inatambua umuhimu wa kuwa na Soko la Kimataifa katika Wilaya hii ya Tarime ili Wakulima wapate soko ya mazao yao na Wananchi kupata huduma kwa urahisi hivyo ametoa Zabuni ya kukamilisha Soko hilo na hivyo Serikali imeshatenga kiasi cha Billioni 1.3 kwa ajili ya ukamilishaji wa Soko la Kimataifa ndani ya Halmashauri ya Wilaya ya Tarime

Vilevile Waziri Mkuu ametoa tamko juu ya Mji Mdogo wa Sirari. Mhe. Kassim Majaliwa Majaliwa ametoa maelekezo ya taratibu za kufwata ili ili kufanikisha ombi la Sirari kuwa Mji Mdogo